BIGtheme.net http://bigtheme.net/ecommerce/opencart OpenCart Templates

Sahil Babayev: “İnsan kapitalının inkişafı dayanıqlı iqtisadi artımın əsas şərtlərindən biridir” – FOTO


  •  
  •  
  •  
  •  
  •  
  •  
  •  
  •  
  •  
  •  
  •  
  •  

“Müasir dünya təcrübəsinə əsasən, insan kapitalının inkişafı dayanıqlı iqtisadi artımın əsas şərtlərindən biridir. Dünya Bankı və BMT-nin İnkişaf Proqramı tərəfindən aparılan tədqiqatlar göstərir ki, son dövrlərdə əksər ölkələrdə milli sərvətin strukturunda nəzərə çarpacaq dəyişikliklər baş verir. Bu, özünü iqtisadiyyatda aksentin fiziki kapitaldan insan kapitalına yönəldilməsində göstərir. Hazırda inkişaf etmiş ölkələrdə insan kapitalının həcmi artıq 75 faizə çatır”.

İstixəbər.info xəbər verir ki, Əmək və Əhalinin Sosial Müdafiəsi Nazirliyindən (ƏƏSMN) Trend-ə verilən məlumata görə, bunu nazir Sahil Babayev Dünya Bankının Bakıda təşkil etdiyi “Azərbaycanda İnsan Kapitalı üzrə” Forumunun açılışı zamanı çıxışında bildirib.

Nazir S.Babayev əmək, məşğulluq, sosial təminat sahələrində aparılan islahatları qeyd edib. O, diqqətə çatdırıb ki, Prezident İlham Əliyevin 9 avqust 2018-ci il tarixli Fərmanına uyğun olaraq ƏƏSMN-nin tabeliyində Dayanıqlı və Operativ Sosial Təminat Agentliyi (DOST Agentliyi) və “DOST” mərkəzlərinin yaradılması işləri davam edir. Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü olan “DOST” layihəsi dövlət sosial xidmətlərinin geniş bir hissəsinin “bir pəncərə”dən operativ, şəffaf və vətəndaş rahatlığı prinsipi əsasında, sadələşdirilmiş prosedurlarla təqdim olunmasına, nəticə etibarilə vətəndaş məmnunluğuna nail olunması hədəfinə xidmət edir. Nəticədə əmək, məşğulluq, sosial təminat, ünvanlı dövlət sosial yardımı, əlillik, pensiya, sosial sığorta və digər əlaqədar sahələrdə (cəmi 124 xidmət üzrə) təkmil və sistemli, bir-biri ilə əlaqələndirilmiş şəkildə göstərilən xidmətlərin keyfiyyətinin yüksəldilməsinə və modernləşdirilməsinə nail olunacaq.

S.Babayev “2019-2030-cu illər üçün Azərbaycan Respublikasının Məşğulluq Strategiyası”nın əsas istiqamətlərini, “İşsizlikdən sığorta haqqında”, yeni “Məşğulluq haqqında” Qanunları qeyd edib. O, dövlət məşğulluq xidmətlərinin müasir tələblərə cavab verən, elektron texnologiyaların geniş tətbiqinə əsaslanan yeni modelinin formalaşdırılması, əmək bazarının inkişafı, əmək münasibətlərinin leqallaşdırılması, işçi qüvvəsinin keyfiyyətininin yaxşılaşdırılması istiqamətində işlərin aparıldığını deyib.

Dövlət məşğulluq siyasətinin mötəbər beynəlxalq təşkilatlarla, xüsusilə Dünya Bankı, Beynəlxlaq Əmək Təşkilatı, Avropa İttifaqı, BMT İnkişaf Proqramı və digər təşkilatlarla sıx əməkdaşlıq çərçivəsində formalaşdırılaraq həyata keçirildiyini deyən nazir Azərbaycanda insan kapitalına yönəldilən vəsaitin cəmiyyətin mövcud və gələcək inkişafına qoyulmuş investisiyalar kimi qəbul olunduğunu, dayanıqlı iqtisadi artımın əsas şərtlərindən birini təşkil etdiyini deyib.

İstixəbər.info

loading...
Dizayn: VETENİM.İNFO TƏSİSÇİ: ƏLƏKBƏROV SƏNAN MƏMMƏD OĞLU - Saytın bütün hüquqlar qorunur. Saytdakı materiallardan istifadə zamanı istinad zəruridir. ƏLAQƏ: +99455 233-73-39 +99470 2337339 EMAİL: istixeber.info@mail.ru ÜNVAN: YEVLAX ŞƏHƏRİ NİZAMİ PROSPEKTİ 26