BIGtheme.net http://bigtheme.net/ecommerce/opencart OpenCart Templates

“Bildilər ki toydan gəlirlər, ciblərində pul var…” – ölən xanəndələr haqda


  •  
  •  
  •  
  •  
  •  
  •  
  •  
  •  
  •  
  •  
  •  
  •  

Xəbər verdiyimiz kimi, bir neçə gün öncə Bərdədə xanəndə Novruz Hüseynov dostu Miryusif Mirizadəni 14 bıçaq zərbəsi ilə qətlə yetirib, sonra isə özünü su kanalına atıb və boğulub.

İstixəbər.info xəbər verir ki, xanəndələrin ölümü haqda müğənni Kərim Abbasov bunları deyib:

“Bu muğam ifaçılarının nə günahı olub ki, 14 bıçaq zərbəsi ilə vəhşicəsinə qətlə yetirildi? İkisini də öldürdünüz. Niyə? Bildiniz ki, toydan gəlirlər, bir az ciblərində pul var, ona görə? Elnarə Abdullayeva efirdə deyir ki, müğənninin yanında niyə cangüdən olmalıdır? Elnarə xanım, millətin hamısı sizin düşündüyünüz kimi normal deyil. Manyakı var, xəstəsi var, atasını-anasını öldürən var, bacısını zorlayan var. Ona görə də sənətçinin yanında dostu-tanışı olmalıdır. Sabah belə iş hamının başına gələ bilər. Yazıqlar heç nədən getdilər. Hələ də şokdayam”, -deyərək kədərini bu sözlərlə ifadə edib.

O, daha sonra əmakdar artist, xanəndə Elnarə Abdullayevaya müraciət edərək deyib:

“Elnarə xanım, sizin düşündüyünüz insanlar 50 il bundan öncəki insanlardır. Hansı ki, o vaxt hər kəs saf və dürüst idi. Hansı ki, o vaxt (sənə atdım) anlamı yox idi. Elnarə xanım, kimlərinsə sənə şərhlərdə “sənə halaldır” yazmasına görə belə şeylər demək lazım deyil. Mən həyatımı kimlərinsə gözündə sadə biri kimi göstərib, özümü bədbəxt edə bilmərəm. Mənim balam böyüyür, ona lazımam. Sizə də məsləhətim budur ki, heç kimi qınamayın. Kim cangüdən tutur və ya kimin telefonuna meneceri cavab verir, əcəb edir. Cibinin puluna tutur. Və sənətçi o insanı dolandırırsa, deməli, Azərbaycanda işsiz olan bir insan azalır və o insan da o pulu ailəsinə, balasına aparır. Sadəlik cangüdənlə və ya menecerlə ölçülmür. Ehtiyat igidin yaraşığıdır. Allah sizə rəhmət eləsin”.

Qeyd edək ki, ötən gün xanəndə Miryusif Mirizadəni yaxın dostu, həmkarı Novruz Hüseynov qətlə yetirib. O, həmkarını 14 bıçaq zərbəsi ilə öldürdükdən sonra özünü Qarabağ su kanalına ataraq intihar edib. Onun meyiti hadisənin baş verdiyi ərazidən 5 km aralıda, Ağcabədinin Qiyaməddinli kəndi ərazisində tapılıb.

İstixəbər.info İnformasiya Portalı

loading...
Dizayn: VETENİM.İNFO TƏSİSÇİ: ƏLƏKBƏROV SƏNAN MƏMMƏD OĞLU - Saytın bütün hüquqlar qorunur. Saytdakı materiallardan istifadə zamanı istinad zəruridir. ƏLAQƏ: +99455 233-73-39 +99470 2337339 EMAİL: istixeber.info@mail.ru ÜNVAN: YEVLAX ŞƏHƏRİ NİZAMİ PROSPEKTİ 26