BIGtheme.net http://bigtheme.net/ecommerce/opencart OpenCart Templates

Əmək bazarı üzrə işçi qrupunun növbəti iclası keçirilib – FOTO


  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Əmək və Əhalinin Sosial Müdafiəsi Nazirliyində Biznes mühiti və beynəlxalq reytinqlər üzrə Komissiyanın Əmək bazarı üzrə işçi qrupunun növbəti iclası keçirilib.

Nazirlikdən İstixeber.info-ya verilən məlumata görə, iclasda əmək bazarında rəqabətqabiliyyətli kadrların hazırlanması məqsədilə peşə təhsili sisteminin təkmilləşdirilməsi, əmək bazarının tələblərinə uyğun peşə hazırlığı üzrə təhsil proqramlarının keyfiyyətinin və çevikliyinin artırılması, peşə təhsili üzrə ixtisas təsnifatının mütəmadi olaraq yenilənməsi, iş yerində təhsilin davam etdirilməsi məqsədilə fasiləsiz peşə təhsili sisteminin yaradılması, dövlət qurumlarında treyninqlərin keçirilməsinə özəl şirkətlərin cəlb olunması istiqamətində aidiyyəti qurumlar tərəfindən müvafiq işlərin görülməsi və bu sahədə işçi qrupu tərəfindən onlara zəruri dəstəyin göstərilməsi  məqsədi ilə müzakirələr aparılıb.

İclas zamanı işçi qrupun üzvlərinə Biznes mühiti və beynəlxalq reytinqlər üzrə Komissiyanın internet portalı (“azranking.az”) və “Rəqəmsal Təqvim” elektron sistemi barədə məlumatlar təqdim olunub.

İclasda həmçinin Biznes mühiti və beynəlxalq reytinqlər üzrə Komissiyanın Əmək bazarı İşçi qrupunun yeni üzvləri ilə tanışlıq olub, işçi qrupu tərəfindən müvafiq təkliflər verilib və gələcək işlər müzakirə edilib. İşçi qrupunun 2019-cu il üçün fəaliyyət planının 1-ci rüb üzrə hesabatın müzakirəsi keçirilib.

İşçi qrupunun fəaliyyət planı ilə bağlı cari məsələlərin, eləcə də növbəti iclasın gündəliyinə daxil edilməsi üçün təkliflər dinlənilib.

İstixeber.info

loading...
TƏSİSÇİ: ƏLƏKBƏROV SƏNAN MƏMMƏD OĞLU. BAŞ REDAKTOR: RƏŞAD ORUC OĞLU AĞAŞİRİNOV - Saytın bütün hüquqlar qorunur. Saytdakı materiallardan istifadə zamanı istinad zəruridir. ƏLAQƏ: +99455 233-73-39 +99470 2337339 EMAİL: istixeber.info@mail.ru ÜNVAN: YEVLAX ŞƏHƏRİ NİZAMİ PROSPEKTİ 26